MALTA 01.05.2026 – 04.05.2026 / 18.09.2026 – 21.09.2026

Dita 1 – 
Takimi i grupit në aeroportin e Shkupit 2 orë para nisjes së fluturimit. Nisja për në Maltë në ora 20:50, mbërritja në 22:35. Transfer i organizuar me autobus. Akomodimi në hotel. Fjetje.

Dita 2 – 
Mëngjesi. Vizitë e organizuar në Valeta. Programi përfshin: Upper Barrakka Gardens – kopshte me pamje panoramike nga porti, Republic Square – sheshi kryesor i qytetit, Fort St. Elmo – fortesë historike nga shekulli XVI, dhe St. John’s Co-Cathedral – katedrale baroke me dekorim të pasur artistik. Fakultative: hyrje në Fort St. Elmo dhe St. John’s Co-Cathedral. Kohë e lirë për shëtitje individuale dhe drekë.

Më pas nisje drejt Birgu (Vittoriosa), me ndalesë të shkurtër për vizitë në: Fort St. Angelo – fortesë mesjetare në port, Inquisitor’s Palace – pallati historik i inkuizitorit, St. Lawrence Church – kishë e rëndësishme me interier të pasur, Malta Maritime Museum – muze i historisë detare, si dhe shëtitje në rrugicat mesjetare dhe portin e qytetit. Biletat hyrëse paguhen shtesë sipas dëshirës. Kthim në hotel. Kohë e lirë për darkë (fakultative). Fjetje.

Dita 3 – 
Mëngjesi. Nisje për Rabat dhe Mdina. Vizitë e objekteve kryesore: Mdina Gate – porta kryesore e qytetit mesjetar, rrugicat mesjetare të Mdina-s, St. Paul’s Cathedral – katedralja kryesore e qytetit, Bastions – fortifikime me pamje panoramike, dhe Palazzo Falson – pallat historik. Hyrjet paguhen shtesë sipas dëshirës.

Mundësi për vizitë në: Catacombs of St. Paul (katakombet e Shën Palit) në Rabat, St. Paul’s Cathedral and Museum në Mdina, dhe Palazzo Falson në Mdina.

Në orët e pasdites, vizitë në Mosta, duke përfshirë Rotunda of Mosta (Kisha e Zojës së Ngjitjes) – e njohur për kupolën e saj. Programi vazhdon me vizitë në Blue Grotto – shpellë natyrore detare me ujëra të kaltërta. Sipas dëshirës dhe nëse ka kohë të mjaftueshme, mundësi për shëtitje me varkë brenda shpellës. Kthim në hotel. Fjetje.

Dita 4 – 
Mëngjesi. Nisje për Marsaxlokk dhe Sliema, me shëtitje përgjatë bregdetit dhe vizitë në fshatin piktoresk të peshkatarëve me shumë varka. Programi vazhdon me vizitë në St. Julian’s, ku përfshihen: Paceville – zonë e njohur turistike dhe argëtuese, Spinola Bay – gjir i bukur, Portomaso Marina – port modern me restorante dhe kafene, Spinola Palace – pallat historik, Balluta Bay – gjir me shëtitore dhe plazh, dhe Balluta Church – kishë pranë gjirit.

Pasdite kohë e lirë për shopping. Transfer i organizuar drejt aeroportit, nisja nga Malta në ora 23:10 dhe mbërritja në Shkup në ora 00:50.

______________________________________