TURQI |Side| Palemon Resort & Spa 5⭐️

Palemon Resort & Spa 5⭐️

_________________________________________

Pozicioni

Hoteli ndodhet në rajonin e Kizilotit, 87 km nga aeroporti i Antalias dhe 23 km nga Side dhe Manavgati.

Akomodimi

Hoteli ka gjithsej 487 dhoma.

Standard Room Land View (33 m²) përbëhet nga një dhomë gjumi me krevat francez dhe divan, një banjo, me kapacitet maksimal 2 të rritur dhe 1 fëmijë.

Standard Room Sea View (33 m²) përbëhet nga një dhomë gjumi me krevat francez, një krevat tek dhe divan, një banjo, me kapacitet maksimal 3 të rritur dhe 1 fëmijë.

Jacuzzi Room (49 m²) ka një dhomë gjumi të madhe me krevat francez, një banjo dhe tarracë me xhakuzi, me kapacitet maksimal 3 të rritur dhe 1 foshnjë.

Family Room (43 m²) përbëhet nga dy dhoma gjumi të ndara me derë dhe një banjo, me kapacitet maksimal 4 të rritur dhe 1 foshnjë.

Të gjitha dhomat janë të pajisura me banjo private me kabinë dushi, tharëse flokësh, pantofla, kondicioner split, telefon, minibar me pije joalkoolike, ujë të zakonshëm dhe mineral në ditën e mbërritjes, ndërsa më pas plotësohet çdo ditë vetëm me ujë, çajnik elektrik, set për çaj dhe kafe, kasafortë, internet Wi-Fi, televizor satelitor me kanale muzikore dhe ballkon.

Shërbimi

Ultra All Inclusive ofron shërbim 24 orë me ushqime dhe pije. Përfshihen mëngjesi, mëngjesi i vonshëm, dreka, ëmbëlsirat e pasdites, çaji, kafeja, darka dhe bufeja e natës. Akullorja shërbehet në orare të caktuara. Në plazh funksionon snack bar nga ora 10:00 deri në 17:00. Përfshihen të gjitha pijet alkoolike dhe joalkoolike vendase, si dhe pijet standarde të importuara. Restorantet italiane dhe turke À la Carte janë të disponueshme me rezervim paraprak dhe mund të përdoren një herë gjatë qëndrimit.

Nuk përfshihen pijet premium të importuara, verërat speciale vendase dhe të importuara, lëngjet e freskëta të shtrydhura, të gjitha pijet në shishe dhe shërbimi në dhomë.